ਜਲੰਧਰ, 24 ਸਤੰਬਰ, 2025 (ਭਗਵਿੰਦਰ ਪਾਲ ਸਿੰਘ): ਨਵੀਂ ਦਿੱਲੀ ਵਿਖੇ ਆਯੋਜਿਤ ਇੱਕ ਸਮਾਗਮ ਦੌਰਾਨ, ਭਾਰਤ ਵਿੱਚ ਆਸਟ੍ਰੀਆ ਦੀ ਰਾਜਦੂਤ ਸ਼੍ਰੀਮਤੀ ਕੈਥਰੀਨਾ ਵੀਜ਼ਰ ਅਤੇ ਸਿੱਖਿਆ ਮੰਤਰਾਲੇ ਦੇ ਸੰਯੁਕਤ ਸਕੱਤਰ ਸ਼੍ਰੀ ਆਰਮਸਟ੍ਰਾਂਗ ਪਾਮ ਨੇ ਭਾਰਤ ਅਤੇ ਆਸਟ੍ਰੀਆ ਵਿਚਕਾਰ ਵਿਦਿਅਕ ਸਹਿਯੋਗ ਅਤੇ ਵਿਦਿਆਰਥੀਆਂ ਦੇ ਆਦਾਨ-ਪ੍ਰਦਾਨ ਨੂੰ ਵਧਾਵਾ ਦੇਣ ਲਈ ਇੱਕ ਨਵੇਂ ਸਹਿਯੋਗੀ ਪ੍ਰੋਗਰਾਮ ਦੀ ਘੁੰਡ ਚੁਕਾਈ ਕੀਤੀ। ਇਹ ਪ੍ਰੋਗਰਾਮ ਆਸਟ੍ਰੀਆ ਦੀਆਂ ਤਿੰਨ ਪ੍ਰਮੁੱਖ ਤਕਨੀਕੀ ਯੂਨੀਵਰਸਿਟੀਆਂ, TU Wien, TU Graz, and TU Leoben ਅਤੇ VFS ਸਿੱਖਿਆ ਸੇਵਾਵਾਂ ਵਿਚਕਾਰ ਸਾਂਝਦਾਰੀ ਹੇਠ ਚਲਾਇਆ ਜਾਵੇਗਾ।
19 ਸਤੰਬਰ 2025 ਨੂੰ ਨਵੀਂ ਦਿੱਲੀ ਵਿਖੇ ਹੋਏ ਇਸ ਸਮਾਗਮ ਵਿੱਚ ਕਈ ਨਾਮੀ ਹਸਤੀਆਂ ਨੇ ਭਾਗ ਲਿਆ। ਆਸਟ੍ਰੀਆ ਦੂਤਾਵਾਸ ਦੇ ਕੌਂਸਲ ਸ਼੍ਰੀ ਕਾਰਲ ਅਗਸਤ ਲਕਸ, ਟੀਯੂ ਲਿਓਬੇਨ ਦੇ ਰੈਕਟਰ ਪ੍ਰੋਫੈਸਰ ਪੀਟਰ ਮੋਜ਼ਰ, ਅੰਤਰਰਾਸ਼ਟਰੀ ਸਬੰਧ ਅਤੇ ਯੂਰਪੀਅਨ ਯੂਨੀਵਰਸਿਟੀ ਵਿਭਾਗ ਤੋਂ ਰਣਨੀਤਕ ਭਾਈਵਾਲੀ ਦੇ ਟੀਮ ਲੀਡਰ ਸ਼੍ਰੀ ਕਲੇਮੇਂਸ ਵੇਈਹਸ, ਅਤੇ ਵੀਐਫਐਸ ਗਲੋਬਲ ਦੇ ਕਈ ਉੱਚ ਅਧਿਕਾਰੀਆਂ ਨੇ ਭਾਗ ਲਿਆ। ਵੀਐਫਐਸ ਗਲੋਬਲ ਵੱਲੋਂ ਮੁੱਖ ਸੱਭਿਆਚਾਰ ਅਧਿਕਾਰੀ ਅਤੇ ਕਾਰਜਕਾਰੀ ਬੋਰਡ ਦੇ ਮੈਂਬਰ ਸ਼੍ਰੀ ਬਰਨਾਰਡ ਮਾਰਟੀਰਿਸ, ਮੁੱਖ ਮਨੁੱਖੀ ਸਰੋਤ ਅਧਿਕਾਰੀ ਅਤੇ ਕਾਰਜਕਾਰੀ ਬੋਰਡ ਦੇ ਮੈਂਬਰ ਸ਼੍ਰੀ ਨਿਰਭੀਕ ਗੋਇਲ, ਅਤੇ ਸਿੱਖਿਆ ਅਤੇ ਪ੍ਰਵਾਸ ਸੇਵਾਵਾਂ ਵਿਭਾਗ ਦੇ ਸੀਓਓ ਸ਼੍ਰੀ ਅਨਿਰੁੱਧ ਸਿੰਘ ਵੀ ਸਮਾਗਮ ਵਿੱਚ ਮੌਜੂਦ ਸਨ।
ਇਸ ਇਤਿਹਾਸਕ ਜਨਤਕ-ਨਿੱਜੀ ਭਾਈਵਾਲੀ ਦਾ ਮੁੱਖ ਉਦੇਸ਼ ਭਾਰਤੀ ਇੰਜੀਨੀਅਰਿੰਗ ਅਤੇ ਤਕਨਾਲੋਜੀ ਵਿਦਿਆਰਥੀਆਂ ਲਈ ਆਸਟ੍ਰੀਆ ਵਿੱਚ ਉੱਚ ਸਿੱਖਿਆ ਦੇ ਮੌਕੇ ਵਧਾਉਣਾ ਹੈ। ਇਹ ਪਲੇਟਫਾਰਮ ਖਾਸ ਤੌਰ 'ਤੇ ਭਾਰਤ ਦੇ ਮਾਨਤਾ ਪ੍ਰਾਪਤ ਕਾਲਜਾਂ ਦੇ ਵਿਦਿਆਰਥੀਆਂ ਲਈ ਤਿਆਰ ਕੀਤਾ ਗਿਆ ਹੈ, ਜਿਸ ਰਾਹੀਂ ਉਹ ਟੀਯੂ ਲਿਓਬੇਨ, ਟੀਯੂ ਵਿਅਨ ਅਤੇ ਟੀਯੂ ਗ੍ਰੇਜ਼ ਵਰਗੀਆਂ ਪ੍ਰਮੁੱਖ ਆਸਟ੍ਰੀਆਈ ਤਕਨਾਲੋਜੀ ਯੂਨੀਵਰਸਿਟੀਆਂ ਵਿੱਚ ਉੱਚ ਸਿੱਖਿਆ ਪ੍ਰਾਪਤ ਕਰ ਸਕਣ।
ਇਹ ਸਹਿਯੋਗੀ ਪ੍ਰੋਗਰਾਮ ਐਨਬੀਏ (NBA) ਅਤੇ ਐਨਏਆਈਸੀ (NAAC) ਵਲੋਂ ਮਾਨਤਾ ਪ੍ਰਾਪਤ ਸੰਸਥਾਵਾਂ ਦੇ ਵਿਦਿਆਰਥੀਆਂ ਲਈ ਖੋਲ੍ਹਿਆ ਗਿਆ ਹੈ, ਜੋ ਉਨ੍ਹਾਂ ਨੂੰ ਅੰਤਰਰਾਸ਼ਟਰੀ ਪੱਧਰ ਦੀ ਸਿੱਖਿਆ, ਖੋਜ, ਅਤੇ ਤਕਨੀਕੀ ਮਹਾਰਤ ਦੇ ਵਿਕਾਸ ਲਈ ਆਸਟ੍ਰੀਆ ਭੇਜਣ ਵਿੱਚ ਸਹਾਇਕ ਹੋਵੇਗਾ।ਇਸ ਯੋਜਨਾ ਰਾਹੀਂ ਨਵੇਂ ਦੌਰ ਦੀ ਇੰਡੋ-ਆਸਟ੍ਰੀਅਨ ਵਿਦਿਅਕ ਸਾਂਝ ਬਣਾਈ ਜਾ ਰਹੀ ਹੈ, ਜੋ ਨੌਜਵਾਨ ਵਿਦਿਆਰਥੀਆਂ ਨੂੰ ਵਿਦੇਸ਼ੀ ਅਨੁਭਵ ਦੇਣ ਦੇ ਨਾਲ-ਨਾਲ ਭਵਿੱਖ ਲਈ ਗਲੋਬਲ ਤਕਨਾਲੋਜੀ ਮਾਰਕੀਟ ਲਈ ਵੀ ਤਿਆਰ ਕਰੇਗੀ।
ਭਾਰਤ ਵਿੱਚ ਆਸਟ੍ਰੀਆ ਦੀ ਰਾਜਦੂਤ, ਸ਼੍ਰੀਮਤੀ ਕੈਥਰੀਨਾ ਵੀਜ਼ਰ ਨੇ ਕਿਹਾ: “ਆਸਟ੍ਰੀਆ ਭਾਰਤ ਨਾਲ ਆਪਣੇ ਅਕਾਦਮਿਕ ਸਬੰਧਾਂ ਨੂੰ ਹੋਰ ਮਜ਼ਬੂਤ ਬਣਾਉਣ ਦਾ ਇਰਾਦਾ ਰੱਖਦਾ ਹੈ। ਨਵੇਂ ਮੌਕੇ ਸਿਰਜਣ ਅਤੇ ਭਾਰਤ ਦੇ ਪ੍ਰਤਿਭਾਸ਼ਾਲੀ ਵਿਦਿਆਰਥੀਆਂ ਦਾ ਸਾਡੀਆਂ ਵਿਸ਼ਵ ਪੱਧਰੀ ਜਨਤਕ ਤਕਨੀਕੀ ਯੂਨੀਵਰਸਿਟੀਆਂ ਵਿੱਚ ਸਵਾਗਤ ਕਰਨਾ ਸਾਡੀ ਪ੍ਰਾਥਮਿਕਤਾ ਹੈ। ਇਹ ਭਾਈਵਾਲੀ ਭਾਰਤ ਦੀ ਉੱਤਮ STEM ਪ੍ਰਤਿਭਾ ਨੂੰ ਆਸਟ੍ਰੀਆ ਦੇ ਖੋਜ, ਨਵੀਨਤਾ ਅਤੇ ਅਕਾਦਮਿਕ ਉੱਤਮਤਾ ਵਾਲੇ ਕੇਂਦਰਾਂ ਨਾਲ ਜੋੜਣ ਵੱਲ ਇੱਕ ਮਹੱਤਵਪੂਰਨ ਕਦਮ ਹੈ। VFS ਦੀਆਂ ਆਧੁਨਿਕ EdTech ਸੇਵਾਵਾਂ ਰਾਹੀਂ, ਅਸੀਂ ਇੱਕ ਅਜਿਹਾ ਪਾਰਦਰਸ਼ੀ ਅਤੇ ਭਰੋਸੇਯੋਗ ਢਾਂਚਾ ਤਿਆਰ ਕਰ ਰਹੇ ਹਾਂ ਜੋ ਵਿਦਿਆਰਥੀਆਂ ਨੂੰ ਸਸ਼ਕਤ ਕਰਦਾ ਹੈ, ਸੰਸਥਾਵਾਂ ਵਿਚਕਾਰ ਵਿਸ਼ਵਾਸ ਮਜ਼ਬੂਤ ਕਰਦਾ ਹੈ ਅਤੇ ਸੱਭਿਆਚਾਰਕ ਤੇ ਅਕਾਦਮਿਕ ਆਦਾਨ-ਪ੍ਰਦਾਨ ਨੂੰ ਤੇਜ਼ੀ ਨਾਲ ਅੱਗੇ ਵਧਾਉਂਦਾ ਹੈ। ਭਾਰਤੀ ਵਿਦਿਆਰਥੀ ਸਾਡੇ ਕੈਂਪਸਾਂ ਵਿੱਚ ਰਚਨਾਤਮਕਤਾ, ਗਿਆਨ ਅਤੇ ਵਿਭਿੰਨਤਾ ਲਿਆਉਂਦੇ ਹਨ, ਉਨ੍ਹਾਂ ਦੇ ਨਾਲ ਮਿਲ ਕੇ ਇੱਕ ਸਾਂਝਾ ਅਤੇ ਵਿਸ਼ਵਵਿਆਪੀ ਭਵਿੱਖ ਨਿਰਮਾਣ ਕਰਨ ਵਿੱਚ ਸਾਨੂੰ ਗਰਵ ਮਹਿਸੂਸ ਹੁੰਦਾ ਹੈ।”
ਟੀਯੂ ਲਿਓਬੇਨ ਦੇ ਰੈਕਟਰ, ਪ੍ਰੋਫੈਸਰ ਪੀਟਰ ਮੋਜ਼ਰ ਨੇ ਕਿਹਾ: “ਅਸੀਂ ਉਨ੍ਹਾਂ ਯੋਗ ਭਾਰਤੀ ਇੰਜੀਨੀਅਰਿੰਗ ਵਿਦਿਆਰਥੀਆਂ ਲਈ, ਜੋ ਆਸਟ੍ਰੀਆ ਵਿੱਚ ਉੱਚ ਸਿੱਖਿਆ ਲੈਣਾ ਚਾਹੁੰਦੇ ਹਨ, ਇਹ ਮੌਕਾ ਉਪਲਬਧ ਕਰਵਾਉਣ ਵਿੱਚ ਭਾਰਤ ਅਤੇ ਆਸਟ੍ਰੀਆ ਦੋਵਾਂ ਸਰਕਾਰਾਂ ਦੇ ਸਮਰਥਨ ਅਤੇ ਅਗਵਾਈ ਲਈ ਧੰਨਵਾਦੀ ਹਾਂ। ਇਸ ਉਪਰਾਲੇ ਵਿੱਚ VFS ਐਜੂਕੇਸ਼ਨ ਸਰਵਿਸਿਜ਼ ਨੂੰ ਆਪਣਾ ਭਾਈਵਾਲ ਬਣਾਉਣਾ ਗਰਵ ਦੀ ਗੱਲ ਹੈ, ਕਿਉਂਕਿ ਉਹ ਸਾਨੂੰ ਉਨ੍ਹਾਂ ਪ੍ਰਤਿਭਾਸ਼ਾਲੀ ਅਤੇ ਯੋਗ ਵਿਦਿਆਰਥੀਆਂ ਤੱਕ ਪਹੁੰਚਣ ਵਿੱਚ ਸਹਾਇਤਾ ਕਰਦੇ ਹਨ, ਜੋ ਸਾਡੇ ਅਕਾਦਮਿਕ ਮਾਹੌਲ ਵਿੱਚ ਉਤਕ੍ਰਿਸ਼ਟਤਾ ਲਿਆਉਣ ਦੀ ਸਮਰੱਥਾ ਰੱਖਦੇ ਹਨ। ਇਨ੍ਹਾਂ ਉਤਸ਼ਾਹੀਤ ਅਤੇ ਯੋਗ ਵਿਦਿਆਰਥੀਆਂ ਦਾ ਸਵਾਗਤ ਕਰਨਾ, ਉਨ੍ਹਾਂ ਦੀਆਂ ਖੁਬੀਆਂ ਨੂੰ ਵਿਕਸਿਤ ਕਰਨਾ, ਅਤੇ ਉਨ੍ਹਾਂ ਨੂੰ ਭਵਿੱਖ ਵੱਲ ਦਿਸ਼ਾ ਦੇਣਾ ਸਾਡੇ ਲਈ ਨਾ ਸਿਰਫ਼ ਮਾਣ ਦੀ ਗੱਲ ਹੈ, ਸਗੋਂ ਇੱਕ ਜ਼ਿੰਮੇਵਾਰੀ ਵੀ ਹੈ, ਤਾਂ ਜੋ ਉਹ ਆਸਟ੍ਰੀਆ ਦੀ ਅਰਥਵਿਵਸਥਾ ਅਤੇ ਸਮਾਜ ਵਿੱਚ ਮਹੱਤਵਪੂਰਨ ਯੋਗਦਾਨ ਪਾ ਸਕਣ।”
ਸ਼੍ਰੀ ਬਰਨਾਰਡ ਮਾਰਟੀਰਿਸ, ਮੁੱਖ ਸੱਭਿਆਚਾਰ ਅਧਿਕਾਰੀ ਅਤੇ VFS ਗਲੋਬਲ ਦੇ ਕਾਰਜਕਾਰੀ ਬੋਰਡ ਦੇ ਮੈਂਬਰ ਨੇ ਕਿਹਾ: “ਸਾਨੂੰ ਇਸ ਗੱਲ ਦਾ ਮਾਣ ਹੈ ਕਿ ਅਸੀਂ VFS ਐਜੂਕੇਸ਼ਨ ਸਰਵਿਸਿਜ਼ ਜ਼ਰੀਏ, ਭਾਰਤ ਦੇ ਯੋਗ ਇੰਜੀਨੀਅਰਿੰਗ ਵਿਦਿਆਰਥੀਆਂ ਨੂੰ ਆਸਟ੍ਰੀਆ ਦੀਆਂ ਵਿਸ਼ਵ-ਪੱਧਰੀ ਤਕਨੀਕੀ ਯੂਨੀਵਰਸਿਟੀਆਂ ਨਾਲ ਜੋੜਣ ਵਿੱਚ ਇੱਕ ਅਹਿਮ ਕੜੀ ਬਣੇ ਹਾਂ। ਸਾਡੀ ਭੂਮਿਕਾ ਸਿਰਫ਼ ਦਾਖਲੇ ਦੀ ਪ੍ਰਕਿਰਿਆ ਤੱਕ ਸੀਮਤ ਨਹੀਂ ਹੈ, ਬਲਕਿ ਅਸੀਂ ਭਵਿੱਖ ਨੂੰ ਆਕਾਰ ਦੇ ਰਹੇ ਹਾਂ, ਨਵੀਨਤਾ ਨੂੰ ਉਤਸ਼ਾਹਿਤ ਕਰ ਰਹੇ ਹਾਂ, ਅਤੇ ਵਿਸ਼ਵਵਿਆਪੀ ਭਾਈਵਾਲੀ ਨੂੰ ਮਜ਼ਬੂਤ ਕਰ ਰਹੇ ਹਾਂ। ਭਾਰਤ ਭਰ ਤੋਂ ਵਿਦਿਆਰਥੀਆਂ ਅਤੇ ਸੰਸਥਾਵਾਂ ਵੱਲੋਂ ਮਿਲੀ ਜ਼ਬਰਦਸਤ ਪ੍ਰਤੀਕ੍ਰਿਆ ਇਸ ਪ੍ਰੋਗਰਾਮ ਦੀ ਸਫ਼ਲਤਾ ਦਾ ਸਿੱਧਾ ਸਬੂਤ ਹੈ। ਸਾਡਾ ਵਿਸ਼ਵਾਸ ਹੈ ਕਿ ਇਸ ਤਰ੍ਹਾਂ ਦੇ ਪ੍ਰੋਗਰਾਮਾਂ ਰਾਹੀਂ ਆਸਟ੍ਰੀਆ ਭਾਰਤੀ ਇੰਜੀਨੀਅਰਿੰਗ ਪ੍ਰਤਿਭਾ ਲਈ ਇੱਕ ਪ੍ਰਮੁੱਖ ਸਥਾਨ ਬਣ ਸਕਦਾ ਹੈ।
ਇਹ ਭਾਈਵਾਲੀ ਵਿਦਿਆਰਥੀਆਂ ਨੂੰ ਸਿਰਫ਼ ਵਿਦਿਆਤਮਕ ਤੌਰ' ਤੇ ਨਹੀਂ, ਸਗੋਂ ਵੈਸ਼ਵਿਕ ਪੱਧਰ 'ਤੇ ਹੁਨਰਮੰਦ, ਭਵਿੱਖ ਲਈ ਤਿਆਰ ਕਾਰਜਬਲ ਬਣਾਉਣ ਵਿੱਚ ਵੀ ਮਦਦ ਕਰਦੀ ਹੈ, ਜੋ ਕਿ ਟਿਕਾਊ ਵਿਕਾਸ ਅਤੇ ਗਲੋਬਲ ਮੁਕਾਬਲੇਬਾਜ਼ੀ ਵੱਲ ਲੈ ਜਾਂਦੀ ਹੈ। ਅਸੀਂ ਇਸ ਦਿਸ਼ਾ ਵਿੱਚ ਆਪਣੀ ਭੂਮਿਕਾ ਨਿਭਾਉਣ 'ਤੇ ਮਾਣ ਮਹਿਸੂਸ ਕਰਦੇ ਹਾਂ ਅਤੇ ਆਸਟ੍ਰੀਆ ਦੀਆਂ ਪ੍ਰਮੁੱਖ ਯੂਨੀਵਰਸਿਟੀਆਂ ਨਾਲ ਆਪਣੀ ਭਾਈਵਾਲੀ ਨੂੰ ਹੋਰ ਡੂੰਘੀ ਕਰਨ ਦੀ ਉਮੀਦ ਰੱਖਦੇ ਹਾਂ।”
ਇਸ ਪ੍ਰੋਗਰਾਮ ਵਿੱਚ ਦੋ ਸਾਲਾਂ ਦੀ ਮਾਸਟਰ ਡਿਗਰੀ ਸ਼ਾਮਲ ਹੈ, ਜਿਸ ਵਿੱਚ ਸਿਧਾਂਤਕ ਸਿੱਖਿਆ ਦੇ ਨਾਲ-ਨਾਲ ਉਦਯੋਗਕ ਤਜਰਬਾ ਵੀ ਕੋਰਸ ਦਾ ਅਟੁੱਟ ਹਿੱਸਾ ਹੋਵੇਗਾ। ਯੂਨੀਵਰਸਿਟੀਆਂ ਵਿਦਿਆਰਥੀਆਂ ਨੂੰ ਕੇਂਪਸ ਪਲੇਸਮੈਂਟ, ਉਦਯੋਗ ਮਾਹਰਾਂ ਨਾਲ ਕਰੀਅਰ ਓਪਨ ਡੇਅ, ਅਤੇ ਨੈੱਟਵਰਕਿੰਗ ਮੌਕਿਆਂ ਰਾਹੀਂ ਪੇਸ਼ਾਵਰ ਵਿਕਾਸ ਵਿੱਚ ਮਦਦ ਦੇਣ ਲਈ ਸਰਗਰਮ ਭੂਮਿਕਾ ਨਿਭਾਉਣਗੀਆਂ। ਇਸ ਅਕਾਦਮਿਕ ਪ੍ਰੋਗਰਾਮ ਦੇ ਤਹਿਤ, ਵਿਦਿਆਰਥੀ ਗ੍ਰੈਜੂਏਟ ਹੋਣ ਤੋਂ ਬਾਅਦ ਇੱਕ ਸਾਲ ਦੇ ਪੋਸਟ-ਸਟੱਡੀ ਵੀਜ਼ਾ ਲਈ ਵੀ ਯੋਗ ਹੋਣਗੇ, ਜੋਕਿ ਉਨ੍ਹਾਂ ਨੂੰ ਅੰਤਰਰਾਸ਼ਟਰੀ ਕਾਰਜਬਲ ਵਿੱਚ ਸ਼ਾਮਲ ਹੋਣ ਅਤੇ ਆਪਣਾ ਪੇਸ਼ਾਵਰ ਅਨੁਭਵ ਵਧਾਉਣ ਦਾ ਮੌਕਾ ਦੇਵੇਗਾ।
ਆਸਟਰੀਆ ਦੀ ਤਕਨੀਕੀ ਯੂਨੀਵਰਸਿਟੀ ਵਿੱਚ ਮਾਸਟਰ ਡਿਗਰੀ ਹਾਸਲ ਕਰਨਾ ਨਾ ਕੇਵਲ ਇੱਕ ਉੱਤਮ ਅਕਾਦਮਿਕ ਅਨੁਭਵ ਹੈ, ਬਲਕਿ ਇਹ ਵਿਦਿਆਰਥੀਆਂ ਨੂੰ ਸੱਭਿਆਚਾਰਕ ਰੂਪ ਵਿੱਚ ਵੀ ਵਿਸ਼ਵ ਪੱਧਰੀ ਤਜਰਬਾ ਪ੍ਰਦਾਨ ਕਰਦਾ ਹੈ।ਕਲਾ, ਸੰਗੀਤ, ਵਿਗਿਆਨ ਅਤੇ ਇੰਜੀਨੀਅਰਿੰਗ ਵਿੱਚ ਆਪਣੇ ਵਿਸ਼ੇਸ਼ ਇਤਿਹਾਸਕ ਯੋਗਦਾਨ ਲਈ ਮਸ਼ਹੂਰ, ਆਸਟਰੀਆ ਵਿਦਿਆਰਥੀਆਂ ਨੂੰ ਪਰੰਪਰਾ ਅਤੇ ਨਵੀਨਤਾ ਦੇ ਇਕਠੇ ਅਨੁਭਵ ਨਾਲ ਜੋੜਦਾ ਹੈ।ਵਿਯੇਨਾ, ਗ੍ਰਾਜ਼ ਅਤੇ ਲਿਓਬੇਨ ਵਰਗੇ ਸ਼ਹਿਰ ਜਿੱਥੇ ਟੀਯੂ ਵਿਯੇਨਾ, ਟੀਯੂ ਗ੍ਰਾਜ਼ ਅਤੇ ਟੀਯੂ ਲਿਓਬੇਨ ਵਰਗੀਆਂ ਪ੍ਰਮੁੱਖ ਤਕਨੀਕੀ ਯੂਨੀਵਰਸਿਟੀਆਂ ਸਥਿਤ ਹਨ, ਸਿਰਫ਼ ਅਕਾਦਮਿਕ ਮਹੱਤਤਾ ਵਾਲੇ ਕੇਂਦਰ ਨਹੀਂ, ਸਗੋਂ ਜੀਵੰਤ ਸੱਭਿਆਚਾਰਕ ਅਤੇ ਸਮਾਜਿਕ ਜੀਵਨ ਦੇ ਮੱਧ-ਕਿੰਦਰ ਵੀ ਹਨ।
ਆਸਟ੍ਰੀਆ ਦੀਆਂ ਪ੍ਰਮੁੱਖ ਤਕਨੀਕੀ ਯੂਨੀਵਰਸਿਟੀਆਂ ਵਿੱਚ ਮਾਸਟਰ ਡਿਗਰੀ ਲਈ ਦਿਲਚਸਪੀ ਰੱਖਣ ਵਾਲੇ ਯੋਗ ਵਿਦਿਆਰਥੀ ਆਪਣੇ ਬੀ-ਟੈਕ ਡਿਗਰੀ ਸਰਟੀਫਿਕੇਟ ਅਤੇ ਅਕਾਦਮਿਕ ਟ੍ਰਾਂਸਕ੍ਰਿਪਟ ਨੂੰ austria@vfsedu.com, austria@vfsedu.com ਤੇ ਈਮੇਲ ਕਰ ਸਕਦੇ ਹਨ।
ਇੱਕ ਸਹਿਜ ਅਤੇ ਵਿਦਿਆਰਥੀ-ਕੇਂਦ੍ਰਿਤ ਅਨੁਭਵ ਨੂੰ ਯਕੀਨੀ ਬਣਾਉਣ ਲਈ, VFS ਐਜੂਕੇਸ਼ਨ ਸਰਵਿਸਿਜ਼ ਨੇ ਰੀਅਲ-ਟਾਈਮ ਡੇਟਾ ਕੈਪਚਰ ਦੇ ਨਾਲ ਇੱਕ ਮਜ਼ਬੂਤ ਡਿਜੀਟਲਦਾਖਲਾਪੋਰਟਲਪੇਸ਼ਕੀਤਾਹੈ, ਜੋ ਵਿਦਿਆਰਥੀਆਂ ਨੂੰ ਸ਼ੁਰੂਆਤੀ ਪਹੁੰਚ ਤੋਂ ਲੈ ਕੇ ਪ੍ਰੀ-ਡਿਪਾਰਚਰ ਮਾਰਗਦਰਸ਼ਨ ਤੱਕ ਸਹਾਇਤਾ ਪ੍ਰਦਾਨ ਕਰਦਾ ਹੈ। Vfsedu.com
VFS ਐਜੂਕੇਸ਼ਨ ਸਰਵਿਸਿਜ਼ ਟੈਸਟ ਚੈਕਿੰਗ ਲਈ ਉੱਨਤ ਪ੍ਰੋਟੋਕੋਲ ਦੀ ਵਰਤੋਂ ਕਰਦੀ ਹੈ, ਜਿਸ ਵਿੱਚ ਡੌਕਸਵਾਲਟ ਦੁਆਰਾ ਬਲਾਕਚੈਨ-ਸਮਰਥਿਤ ਅਕਾਦਮਿਕ ਪ੍ਰਮਾਣੀਕਰਨ ਅਤੇ ਲਾਈਵ ਇੰਟਰਵਿਊ-ਅਧਾਰਤ ਅੰਗਰੇਜ਼ੀ ਭਾਸ਼ਾ ਦਾ ਮੁਲਾਂਕਣ ਕਰਨਾ ਸ਼ਾਮਲ ਹਨ। ਇਹ ਪਹੁੰਚ ਸਭ ਤੋਂ ਯੋਗ ਹੈ ਅਤੇ ਡਿਜ਼ਰਵਿੰਗ ਵਿਦਿਆਰਥੀਆਂ ਨੂੰ ਸ਼ਾਰਟਲਿਸਟ ਕਰਨ ਵਿੱਚ ਮਦਦ ਕਰਦੀ ਹੈ, ਆਸਟ੍ਰੀਅਨ ਯੂਨੀਵਰਸਿਟੀਆਂ ਲਈ ਉੱਚ-ਗੁਣਵੱਤਾ ਵਾਲੇ ਦਾਖਲੇ ਅਤੇ ਚੁਣੇ ਗਏ ਵਿਦਿਆਰਥੀਆਂ ਲਈ ਇੱਕ ਸਪਸ਼ਟ ਅਤੇ ਸਹਾਇਕ ਰਾਹ ਵੀ ਪ੍ਰਦਾਨ ਕਰਦਾ ਹੈ।